Zemaj: Kosova ka siguruar 1 milion e 220 mijë vaksina anti-COVID

Kosova nuk ndalon. Zhvillon edhe zgjedhje demokratike, edhe lufton pandeminë, por siguron edhe me shumë vaksina kundër Covid-19 se sa Shqipëria.

Ministri i Shëndetësisë së Kosovës, Armend Zemaj tha se ka siguruar 1 milion e 220 mijë vaksina anti-COVID. Deri në arritjen e vaksinave anti-Covid në Kosovë ai kishte një këshillë për qytetarët “të vazhdojmë t’i respektojmë masat, të mos i ngarkojmë institucionet shëndetësore”.

“Përderisa të gjitha shtetet evropiane janë duke u përballur me numër të madh të pacientëve të infektuar me Covid 19, vendi ynë suksesshëm po vazhdon ta menaxhojë situatën epidemiologjike në vend.

Nga 1586 mostra të marra brenda 24 orëve, 253 kanë rezultuar pozitive, 646 kanë fituar betejën me Covid 19, ndërsa kemi dy vdekje.