Derbi mes Tiranës dhe Dinamos do të luhet ditën e enjte në orën 19:45, në stadiumin “Air Albania”, ndeshje e vlefshme për 1/8 e “Kupës së Shqipërisë”. “Blutë” e Bledi Shkëmbit kanë fituar ndeshjen e parë me rezultatin e pastër 2-0, por Tirana shpreson që ta përmbysë.
Drejtuesit kanë nxjerrë në shitje edhe biletat për këtë përballje, si dhe çmimet e tyre, që do blihen në stadiumin “Selman Stërmasi”.
Në tribunën VIP, një biletë kushton 3000 lekë në sektorin W 104, ndërsa në W 102-107 kushtojnë 2000 lekë.
Në tribunat pas porte N bileta kushton 400 lekë, ndërkohë në tribunën përballë E 101-109 kushtojnë 800.
Biletat në tribunën e miqve kushtojnë 400 lekë V 101-103.
