603 kilometra në orë? “Çmenduria” më e fundit mbi shina vjen nga Japonia

Kush ka pasur mundësinë të vizitojë Japoninë me shumë gjasa do ketë hipur në bordin e Shinkansen, trenit që ecën me 320 km/h.

Por pas disa vjetësh do jetë e mundur që shpejtësia të jetë edhe më e madhe. Treni maglev, një tren magneti i hekurudhës japoneze ka arritur shpejtësinë 603 km/h, i cili është dhe rekordi i ri botëror.

Testi i parë është bërë në muajin prill. Treni i përbërë nga 7 vagona, kaloi parashikimin e shpejtësisë prej 600 km/h, duke arritur shpejtësinë e pabesuesueshme 603 km/h.

Sipas planeve të Kompanisë Qendrore të Hekurudhave në Japoni, treni do hyjë në qarkullim në vitin 2027 dhe distancën nga Tokio në Nagoya prej 286 km do e përshkojë për 40 minuta. / Dita