Ndryshe nga presidenti serb, kryeministri i Kosovës, Albin Kurti e sheh si hap të mirë për normalizimin e marrëdhënieve, takimin e sotëm në Bruskel.
Kreu i qeverisë përsëriti edhe njëherë se plani franko-gjerman është një bazë solide për të çuar përpara procesin e normalizimit të marrëdhënieve mes dy vendeve.
“Edhe më herët pata thënë se plani evropian është bazë solide për të ecur përpara. Do të përdoret tash ajo që quhet diplomacia fluturuese Jemi në rrugë të mbarë, dhe njëkahëshe të normalizimit të marrëdhënieve mes Kosovës dhe Serbisë dhe për fqinjësi të mirë”, deklaroi Kurti.
