Në mbledhjen e grupit të PD, Sali Berisha mohoi mundësinë që të bashkojë votat me socialistët për të ndryshuar organet e drejtësisë së re.
“Nuk ndërmarrim asnjë veprim për të bashkuar votën me Ramën për të ndryshuar organet e drejtësisë.
Parlamenti, Komisioni Evropian kërkon listën, se e dinë që Edi Rama ua ka dhënë mafiozëve këto investime strategjike. Kërkon listën e investimeve strategjike. I kanë bërë autopsi.
Dhe lista e investimeve strategjike kërkon anulimin përveç të tjerave të amendamenteve të vitit 2024. Kërkon shqyrtim, rishqyrtim të tyre. Pra, jemi në një analizë të shkëlqyer të gjendjes, udhëkryqit shumë të rrezikshëm të vendit.
Kërkon pavarësinë e SPAK-ut, dhe burime të përshtatshme, zgjerimit të kapaciteteve hetimore dhe mosminimin e punës së tij. Ja ku jemi këtu, të deklarojmë publikisht se në mënyrë absolute nuk ekziston asnjë shans që ne të marrim një votim apo një bashkëpunim me Edi Ramën për të dobësuar veprimtarinë apo për të ndryshuar ligjet për organet e drejtësisë. Jo.
Ato mund të kenë ndonjë problem, por ky e ka me qëllime tërësisht për t’i dëmtuar ato dhe veprimtarinë e tyre dhe kjo s’do pranohet në asnjë mënyrë nga Partia Demokratike.
Do të denoncohet, përkundrazi. Do bëjmë gjithçka që dyert, që puna e tyre të mos pengohet. Shteti të ketë ndarjen e pushteteve. Jo të gjitha pushtetet në duart e një e një kreu të organizatës kriminale që ka vendosur si moral të regjimit të tij, moralin e etëreve të tij”, tha Berisha.