Dëshmon në gjyqin e Berishës, Balla nga GJKKO: Ditë e madhe për drejtësinë. I qëndroj kallëzimit

Kreu i Grupit të PS, Taulant Balla, është paraqitur në GJKKO për të dëshmuar lidhur me çështjen “Partizani”, në cilësinë e kallëzuesit.

Para dëshmisë së tij, Balla u ndal për një prononcim për mediat, ku tha se politikanët që shkojnë në SPAK duhet të mbështesin drejtësinë.

“Ditë e madhe për drejtësinë. Politikanët që vijnë këtu duhet që të mbështesin drejtësinë, punën e SPAK ë po çmonton korrupsionin shumëvjeçar në Shqipëri.

Që nga viti 1912, Shqipëria s’ka qenë kurrë më afër Europës se sa sot, dhe arsyeja është reforma në drejtësi, që ka rikthyer besimin te drejtësia. Këta në bankën e të akuzuarit më kanë akuzuar mua për shpifje në 2012. Ky është rast tipik i korrupsionit të nivelit të lartë. 5-përqindshi është korrupsion. Unë do përgjigjem për çfarë të më pyesin, por i qëndroj kallëzimit tim”, pohoi Balla.