Komisioni i Etikës përjashton Agron Shehajn dhe Erald Kaprin nga Kuvendi

Komisioni i Etikës ka përjashtuar për 30 ditë kreun e Partisë Mundësia, Agron Shehaj dhe 20 ditë deputetin e kësaj force politike, Erald Kapri nga punimet e Kuvendit.

Dy deputetët janë përjashtuar pasi penguan punimet e seancës plenare.

Në seancën e së enjtes Kapri dhe Shehaj, debatuan me kryeministrin Edi Rama, ndërsa deputeti Erald Kapri i grisi Ramës edhe fletën me titullin e kryeministrit.

Për disa minuta të dy deputetët mbajtën të bllokuar foltoren dhe shkëmbyen replika.