Manastirliu: Investimi në rrugën e Vilëzës në Zall Bastar, më shumë zhvillim për zonën

Drejtuesja politike e Partisë Socialiste për Tiranën, Ogerta Manastirliu, si dhe zv/ministri i Punëve të Brendshme Xhemal Qefalia zhvilluan sot një takim me banorët e Zall Bastarit në kuadër të turit “Punët për Shqipërinë”.

Në takim me banorët ata theksuan se një investim i rëndësishëm për banorët e fshatit Vilëz në Zall Bastar është rruga e re që lidh fshatrat përreth.

“Kjo rrugë për ju është zhvillim, kjo rrugë për ju është akses, kjo rrugë për ju është edhe më shumë mirëqenie për secilën prej familjeve tuaja”, iu drejtua Manastirliu banorëve.