Seanca e sotme është shoqëruar me seanca e replika mes Gazment Bardhit dhe Niko Peleshit në Kuvend.
Kreu i grupit parlamentar të PD, Gazment Bardhi akuzoi kryetarin e Kuvendit, Niko Pelshin pasi interpelanca e kërkuar nga Partia Demokratike me Kryeministrin Edi Rama është refuzuar.
“Ne e kemi vëmendjen çdo moment. Ju i keni refuzuar grupit Parlamentar të PD-së një interpelancë urgjente të thirrur me Kryeministrin e Shqipërisë. Keni kthyer dje një përgjigje pas orarit zyrtar për Grupin parlamentar, ku na jepni arsyet, pse ju si kryetar i Kuvendit, në shkelje të Kushtetutës, refuzonit interpelancën me Kryeministrin e vendit. Do i dërgojmë në Gjykatën Kushtetuese të gjitha refuzimet. Në tejkalim të Kushtetutës, ke marrë përsipër të asgjësosh parlamentarizmin dhe demokracinë. Nëse s’keni autoritet të sillni Edi Ramën në seancë plenare, jep dorëheqjen zotëri”, u shpreh ndër të tjera Bardhi.
“Ishit ju që më qëlluat me Kushtetutën në ditën e parë. Përdor atë librin që më qëlluat ju. E kapa në ajër dhe më pas e lexova. Atë kushtetutë që më qëlluat ju po përdor”, iu përgjigj Peleshi.