Zëvendëskryeministrja Koçiu: Sezoni turistik në Himarë premton të thyejë çdo rekord

Zëvendëskryeministrja Albana Koçiu bën me dije se Himara ka çelur zyrtarisht sezonin turistik veror 2026 dhe thotë se qyteti bregdetar premton të thyejë çdo rekord këtë vit.

“Një udhëtim mes historisë, traditës, kaltërsisë së Jonit dhe shijeve autentike shqiptare. Ky sezon i ri e gjen Himarën më të bukur se kurrë, me investime që respektojnë bukuritë e saj natyrore dhe me një vëmendje të shtuar për të ofruar shërbime cilësore për çdo vizitor, sepse ne besojmë fort se çdo turist është një mik që i shton ngjyra kësaj vere. Dielli këtë sezon shkëlqen më shumë se kurrë në Himarë”, u shpreh Koçiu.

Himara mbetet një nga destinacionet më të preferuara të bregdetit shqiptar, falë plazheve si Livadhi, Spile, Potami, Llamani dhe Filikuri, si dhe kombinimit të turizmit detar me natyrën, kulturën dhe traditën vendase.