Robert Lewandowski po luan një tjetër sezon fantastik duke shënuar deri më tani 35 gola, nga të cilët 24 në Bundesligë dhe 9 në Champions League. Sipas statistikave të “Transfermarkt”, kapiteni i kombëtares polake shënon gol çdo 72 minuta lojë. Gjatë stërvitjes së të enjtes, Robert Lewandowski vendosi të prezantojë disa risi në tapetin e blertë.
Sulmuesi vendosi të qëllojë nga larg jo portën, por… dritaren e zyrës së Oliver Kahn. Duhet pranuar se ish-portieri ka bërë një pritje të suksesshme, siç duket në video.
“Një ditë e zakonshme pune në zyrë”, ka komentuar drejtori i Bayernit, duke shpërndarë në rrjetet sociale këtë moment vërtet artistik, më tepër se futbollistik.
