Robert Lewandowski nuk ka pasur një fillim të lehtë të sezonit të ri. Ndonëse ndaj Villarrealit arriti ta dërgojë topin në rrjetën e kundërshtarit, në tri sfidat e para të kësaj La Liga nuk ka pasur një ndjenjë të mirë. Si pasojë e këtij shqetësimi, futbollisti polak ka evidentuar një problem serioz: arbitrimin spanjoll.
Në deklaratat e bëra gjatë intervistës për “Eleven Sports”, Lewandowski ka qenë shumë i ashpër me arbitrat spanjollë dhe asgjë nuk ka shpëtuar: “La Liga nuk është mjaft tërheqëse, as ka lojë sulmuese. Gjyqtarët po e vrasin atë”.
Ai nuk është rehat as në skemën e Xavit dhe as ndaj rivalëve që ka përherë mbi krye, siç e pësoi tashmë në transfertën e Getafe. Kritikave të tij të arbitrave i shtohet edhe një kritikë për lojën e propozuar nga skuadrat e La Liga-s, ndonjëherë larg kërkimit të futbollit sulmues dhe përpjekjes për ta bërë topin të rrotullohet për sa më pak minuta që të jetë e mundur.
Pikërisht këtë javë, Barcelona viziton Osasuna në “El Sadar”, një stadium ku Robert Lewandowski u përjashtua me karton të kuq (pas dy të verdhave) sezonin e kaluar. Me atë rast, Gil Manzano i dha atij një të verdhë të dyfishtë për protestë dhe gjesti kur u largua nga fusha e lojës i kushtoi atij pezullim me tri ndeshje.
Tani, polaku do të dëshirojë ta rikuperojë nivelin e tij më të mirë, bashkë me nënshkrimet e reja që kanë ardhur së fundmi në klub.
