Liverpooli ka arritur që të marrë një fitore shumë të vuajtur ndaj Watford dhe tashmë mban kreun e renditjes me 72 pikë, në pritje të duelit të City-it që luan pas disa minutash.
Skuadra e Jurgen Klopp triumfoi 2-0 me rezultat, por zhvilloi një ndeshje të dobët duke krijuar shumë pak ndaj vendit të parafundit 18-të në renditje. Diogo Jota zhbllokoi rezultatin në minutën e 22-të me një goditje me kokë, duke i rrëmbyer kohën portierit Forster.
Loja ishte disi e mërzitshme me Liverpoolin që administronte më shumë rezultatin, ndërkohë që Salah nuk ishte në ditën e tij më të mirë. 2 minuta nga fundi i kohës së rregullt, Fabinho dyfishoi shifrat nga pika e bardhë pas një faulli të Kuckas në zonë. /R.Lika-Koha Jonë/
