Liverpooli zgjohet dhe merr një fitore spektakolare 1-0 ndaj Manchester City-it në duelin më epik të javës së 10-të. Ishte një duel i mbushur me emocione veçanërisht në fillimin e pjesës së dytë, ku nuk ndalonin rastet sa nga njërin krahë në tjetrin.
Në minutën e 75-të, pas një kundërsulmi përfekt, Mohamed Salah shënon një super gol me një kundërsulm që u finalizua nga egjiptiani.
City kërkoi të reagonte, por skuadra e Guardiolës e ka të vështirë gjetjen e hapësirave boshe për gol. Nuk munguan as përleshjet në fushë, teksa Klopp u ndëshkua me karton të kuq, ndërkohë që më pas Bernardo Silva dhe Salah u konfliktuan verbalisht.
Liverpuli ngjitet në vendin e 8-të me 13 pikë, ndërkohë që City mbetet e dyta, por tashmë me 4 pikë më pak se Arsenali.
