Për ata persona që stërviten në shtëpi apo jashtë saj duhet ta dinë se koha më e mirë është mëngjesi. Stërvitjet në mëngjes kanë një avantazh. Ushtrimi në mëngjes veçanërisht me stomak bosh është mënyra më e mirë për të djegur dhjamin e ruajtur, duke e bërë atë ideal për humbjen e peshës. Kjo kryesisht sepse përbërja hormonale e trupit në mëngjes është krijuar për të mbështetur atë qëllim, thotë Anthony Hackney, një profesoresh në departamentin e stërvitjes dhe shkencës së sportit në Universitetin e Karolinës së Veriut Chapel Hill.
“Në orët e hershme të mëngjesit, ju keni një profil hormonal që do t’ju predispononte për metabolizëm më të mirë të yndyrës”, thotë Hackney. Njerëzit natyrshëm kanë nivele të larta të kortizolit dhe hormonit të rritjes në mëngjes që të dy janë të përfshirë në metabolizëm kështu që ju do të merrni më shumë energji nga rezervat tuaja të yndyrës”, thotë Hackney. Kjo mund të ndihmojë potencialisht në humbjen e peshës.
Studimi sugjeron gjithashtu që ushtruesit e mëngjesit mund të kenë më pak oreks gjatë gjithë ditës, gjë që gjithashtu mund të ndihmojë në mbrojtjen e tyre nga vendosja e kileve.
Edhe nëse i urreni alarmet e hershme, të stërviteni në mëngjes mund të ketë shumë përfitime. Një studim i botuar në vitin 2019 në Journal of Physiology zbuloi se ushtrimi në 7:00 të mëngjesit mund të zhvendosë orën e trupit tuaj më herët, që do të thotë që ju do të ndjeheni më vigjilent në mëngjes dhe do të lodheni më herët në mbrëmje, duke ju përgatitur për të pushuar dhe të njëjtën gjë ta bëni të nesërmen.