Një shishe konjaku 258-vjeçare, një prej tre që ekzistojnë ende të llojit të saj, u shit në një ankand online për 131.990 euro. Shishja ishte prodhuar në 1762 nga “Maison Gauthier” në Francë dhe është konjaku më i vjetër që shitet ndonjëherë në ankand.
Vetëm tre shishe ekzistojnë ende nga prodhimi i vitit 1762, të cilat kanë ruajtur etiketimin e tyre origjinal edhe sot e kësaj dite. Shishja e sapo shitur njihet si “Vëllai i Madh” i treshes antike. Muzeu Gautier posedon aktualisht “Motrën e Vogël” ndërsa “Vëllai i Vogël” u shit në një ankand në Nju Jork në 2014.
Treshja ka një histori të jashtëzakonshme pas krahëve. Ato u prodhuan në vitin kur Britania hyri në Luftën e Shtatë Vjetëve kundër Spanjës e Napolit dhe kohë kur Katerina e Madhërishme u bë perandore e Rusisë.
Ka qenë një familje e cila e ka trashëguar shishen deri në ditët e sotme. Sipas ish-pronarëve, stërgjyshërit e tij strehuan një jetim me emrin Alphonse, i cili u largua në 1870 për të punuar në rajonin Konjak. Ai u kthye dhjetë vite më pas me një kuti të ngarkuar me shishe konjaku.
#AuctionUpdate A bottle of Gautier Cognac 1762 – one of the world’s oldest surviving cognacs and the oldest vintage Cognac ever to be sold at auction – sells for £118,580. pic.twitter.com/9bbEc42qu3
— Sotheby's (@Sothebys) May 28, 2020