Sytë nga qielli këtë mbrëmje, hëna premton “spektakël”

Mbrëmjen e sotme do të ndodhë eklips i pjesshëm i hënës që do të jetë i dukshëm pothuajse në të gjithë botën. Sigurisht, nëse qielli do të jetë i kthjellët.

Eklipsi pritet të nisë rreth orës 10.00 të darkës ndërsa do të jetë i dukshin në pjesën më të madhe të Azisë, Afrikës si dhe në pjesën lindore të Amerikës Jugore dhe pjesën perëndimore të Australisë.

Në këtë “shfaqje” në qiell, rreth 60 për qind e sipërfaqes hënore do të errësohet nga hija e Tokës ndërkohë që Dielli, Toka dhe hëna vendosen në një vijë të drejtë.

Kjo dukuri pritet që të tërheqë më shumë vëmendjen e të pasionuarve pas eventeve të qiellit ndërsa data përputhet me 50 vjetorin e nisjes së misionit të Apollo 11 në hënë.