Derbi anglez mes Chelsea dhe Manchester City-it për të rrëmbyer nga Interi Romelo Lukakun. Largimi i Antonio Contes ka ndezur sinjale për largimin e belgut nga zikaltërit. Sipas mediave britanike, pavarësisht deklaratave të sulmuesit, i cili ka thënë se nuk dëshiron të largohet nga Inter, Manchester City po bën gati një ofertë për ta rrëmbyer, duke vendosur në “pjatë” shifrën e 80 milionë eurove.
Skuadra italiane mund të bindet për ta lënë të lirë sulmuesin. Chelsea dhe Manchester City janë në kërkim të një sulmuesi të parë. Blutë e Londrës për momentin duken më të avantazhuar duke marrë në konsideratë faktin që fituan Championsin dhe kanë fonde të mjaftueshme për operacione të tilla.
Në krahun tjetër City pasi hoqi dorë nga Sergio Aguero, është gati që të lërë të lirë edhe Gabriel Jesus për të rrëmbyer një sulmues të parë, teksa përveç Lukakut, një emër shumë i përfolur në ditët e fundit është edhe Harry Kane. Mbetet të shihet edhe cili do të jetë vendimi i Lukakut në ditët në vijim. /R.Lika-Koha Jone/
