Mrekullitë ekzistojnë dhe dëshmi është 25-vjeçari Charles Gregori. Rojet bregdetare në Florida shpëtuan një burrë që po lundonte me një varkë gjysmë të mbytur rreth 12 milje larg bregut.
Ai kishte dalë për të peshkuar në oqeanin Atlantik dhe prej 35 orësh nuk kishte kontaktuar me njeri, gjë që bëri familjarët të njoftojnë autoritetet. Ai u pikas nga helikopteri, i cili dha koordinatat e sakta që cuan në evakuimin e tij.
“Ai ishte trembur për vdekje. Më tregoi se gjatë këtyre orëve në det i ishte lutur Zotit më shumë se kishte bërë gjatë gjithë jetës së tij”, tregon babai i 25-vjeçarit.
