Nga një humbje 2-0 në derbi, në një tjetër disfatë me të njëjtin rezultat, këtë herë në transfertë ndaj Spezias në kampionat.
Milani zhgënjen sërish dhe këtë herë në kampionat, duke komplikuar rrugëtimin për një vend në zonën Champions. Spezia shënoi dy herë në 15 minutat e fundit të takimit me Wisniewski dhe Esposito dhe ia doli të triumfojë.
Kur kanë mbetur edhe tre javë nga fundi, Milani qëndron në vendin e 5-të me 61 pikë, dy më pak se Interi i vendit të katërt, por kuqezinjtë mund të barazohen me pikë nga Roma, nëse këta të fundit do t’ia dalin të marrin 3 pikët ndaj Bolognës të dielën.
