Rusia prej kohësh ka marrë një fushatë disinformimi dhe këtë herë, ministri i Jashtëm Sergei Lavrov, thotë se armët që janë dërguar në Ukrainë nga perëndimi janë shitur në Shqipëri dhe Kosovë.
“Shpresoj se ushtria perëndimore do të kuptojë rreziqet e dërgimit të armëve të rënda në Ukrainë. Raketat Stringer dhe Govelin tani janë në tregun e zi (në Ukrainë) dhe janë shfaqur në Shqipëri dhe Kosovë. Për këtë po flitet hapur dhe po shitet me zbritje. Në përgjithësi, procesi i dominimit të tregut të zi është duke u zhvilluar. Ata do të kthehen kryesisht nga kanë ardhur, në Ukrainë”, tha Lavrov.
Lidhur me bisedimet e paqes “të ngrira” me Ukrainën, Lavror tha edhe se vetë Kievi ka nënshkruar se nuk dëshiron negociata me Rusinë.
