Ndëkohë që kriza energjetike është kthyer në një problem global, ministrja e Energjetikës, njëkohësisht zëvendëskryeministre, Belinda Balluku ka shpërndarë në rrjetet sociale një mesazh për kursimin e energjisë elektrike.
“Kursimi i energjisë elektrike në ditët e sotme, në kushtet e një krize botërore, është detyrë për çdo qytetar. Përpara se të dilni nga shtëpia sigurohuni që të gjitha dritat të jenë të fikura. Shmangni ndriçimin e panevojshëm, gjatë kohës që jeni në shtëpi“,- shkruan Balluku.
