Ministrja e Shëndetësisë, Ogerta Manastirliu ka shkuar në spitalin e Krujës, për të vizituar nga afër pacientët e shtruar, për shkak të helmimit.
Nga dita e diel deri sot në spital kanë përfunduar rreth 370 persona, me shenja të helmimit, ndërsa dyshohet se janë helmuar nga uji i pijshëm.
Duke marrë shkas nga kjo situatë e krijuar, Manastirliu ka shkuar në spitalin e Krujës ku do të informohet edhe më mirë mbi ngjarjen.
