Një video e publikuar në rrugët e Shqipërisë, ku një shofer që nget një makinë “Renault”, kryen manovra të rrezikshme në rrugë po bën xhiron e rrjeteve sociale.
Drejtuesi i automjetit për t’ju shmangur trafikut parakalon në krah të djathtë ndërsa shfaqet në pamje teksa ngjitet në trotuar duke rrezikuar jetën e këmbësorëve.
Edhe pse në shkelje të rëndë të Rregullave të Qarkullimit Rrugor, ky shofer ka filmuar manovrat e kryera në rrugë dhe i ka reklamuar në rrjetet sociale, duke I dhënë kështu përmasa edhe më të rënda aktit të kryer.
Edhe pse policia prej disa ditësh po vijon me aksionet në rrugët e vendit duke gjobitur dhe arrestuar drejtues mjetesh, sërish në rrugë shfaqen shkelje flagrante.
