Pas golit kundër Irlandës dhe rekordit të ri ndërkombëtar, Cristiano Ronaldo pritet që në fundjavë të zbarkojë në Manchester për t’u përgatitur për debutimin e tij të shtunën tjetër në “Old Trafford” ndaj Newcastle.
CR7 gjatë festës së golit të dytë dhe të fitores për Portugalinë hoqi fanellën dhe u ndëshkua me të verdhë që i kushton atij skualifikimin për ndeshjen e radhës ndaj Azerbajxhanit.
Trajneri Fernando Santos do të lërë të lirë lojtarin tanimë, duke shmangur miqësoren e planifikuar të shtunën përballë Katarit. Për këtë arsye “The Sun” shkruan se aventura e dytë e Ronaldos në Manchester mund të fillojë në fundjavë.
