Jose Mourinho kërkon një skuadër më të bashkuar se kurrë në prag të finales së sotme ndaj Sevillas, të vlefshme për Europa League.
“Special One” duket se ka një marrëdhënie të shkëlqyer me Marash Kumbullën, kjo pasi kur Roma mbërriti në finale, portugezi telefonoi mbrojtësin shqiptar dhe ia dedikoi këtë arritje atij.
Për të treguar frymën e grupit, 20 ditë pas operacionit të Kumbullës, mbrojtësi shqiptar është parë në Budapest me paterica ditën e sotme së bashku me ekipin. Kumbulla do të jetë në tribunë për të ndjekur ndeshjen dhe kjo është një nga mënyrat se si Mourinho fiton vëmendjen.
