Video skandaloze në zyrën e Safet Gjici që u publikua në fundjavë, solli dorëheqjen dhe shkarkimin e këtij të fundit si kryetar i bashkisë së Kukësit.
Analisti Aleksandër Çipa, thotë se shoqëria jonë e ka humbur sfidën me referencat morale, teksa foli për videon skandaloze intime në bashkinë e Kukësit. Ai theksoi se përfaqësuesit që zgjidhen në nivelet e larta të përfaqësimit duhet të kalojnë përmes sitave të verifikimit moral.
“Kjo është një e vërtetë që buron nga e vërteta dhe vrasja e ndërgjegjes publike për respektimin e atuve morale në shoqëri. Përfaqësuesit që zgjidhen në nivelet e larta të përfaqësimit dhe sidomos ata që kanë të bëjnë me qeverisjen duhet të kalojnë përmes sitave të verifikimit moral, të shëndetit moral që ata posedojnë. Edhe në vendet e tjera ka probleme të tilla, por në Shqipëri gjatë periudhës së tejzgjatur të tranzicionit këto shtylla u shembën në mënyrën më të rëndë të mundshme”.
