Manchester City nuk ka hequr dorë nga Premier League, djemtë e Pep Guardiolës duan të fitojnë titullin për herë të pestë në gjashtë vitet e fundit.
Gjithsesi situata nuk duket aq e mirë në kampin e skuadrës së Pep Guardiolës dhe shkaku lidhet pikërisht me trajnerin spanjoll. El Chiringuito raporton se pesë futbollistë të Manchester City janë të pakënaqur me Guardiolën.
Bëhet fjalë për: Ilkay Gundogan, Bernardo Silva, Kyle Walker, Joao Cancelo dhe Aymeric Laporte. Shkaqet lidhen kryesisht me kontratat e tyre, por edhe me raportet personale me trajnerin.
Mesfushori gjerman ndodhet në vitin e fundit të kontratës dhe media të ndryshme raportojnë prej kohësh që ka një paraakord me Barcelonën, ekip ku pritet të transferohet me parametra zero në verë.