Ons Jabeur dhe Elena Rybakina janë dy finalistet e tenisit të femrave në Wimbledon. Tuniziania kaloi me shifrat 2-1 Tatjana Maria, teksa triumfoi me sete 6-2, 3-6, 6-1 duke u bërë kështu e para arabe e cila arrin në një finale të Grand Slam. Numri tre i botës së tenisit të femrave do të presë në finalen e së shtunës, Rybakinën.
Tenistja nga Kazakistani, gjithashtu arrin për herë të parë finalen teksa mposhti në dy sete Simona Halep. Edhe pse me më pak eksperiencë se rumunia, sërish 23-vjeçarja, numri 23 i renditjes botërore triumfoi me shifrat 6-3, 6-3.
