Ka përfunduar seanca dëgjimore për çështjen e fitimeve kapitale përpara Bordit të Garancisë Coni në lidhje me apelimin e Juventusit për zbritjen e 15 pikëve nga Gjykata e Apelit FIGC.
Seanca zgjati rreth dy orë e gjysmë dhe kryetarja e Kolegjit të Seksioneve të Bashkuara, Gabriella Palmieri Sandulli, siguroi se dekreti “do të depozitohet sa më shpejt”.
Juventusi këmbëngul se Gjykata e Apelit e ka dënuar gabimisht, dhe sipas saj vendimi do të jetë në favor të tyre. Bardhezinjtë aktualisht kanë 44 pikë në renditje dhe me vendimin që mund të rezultojë në favor të tyre do të shkonin në kuotën e 59 pikëve, në vendin e tretë, para Interit dhe Milanit.
