Deputeti i Partisë Demokratike, Agron Gjekmarkaj ka komentuar vendimin e kryedemokratit, Lulzim Basha për të përjashtuar nga grupi parlamentar Sali Berishën.
Në një prononcim për mediat, Gjekmarkaj thotë se Basha dhe PD nuk kishin rrugë tjetër dhe ky ishte shtegu i vetëm për të kaluar.
“Basha dhe PD nuk kishin mundësi tjetër, dukej se ishte shtegu i vetëm për të kaluar”, tha Gjekmarkaj.
I pyetur për akuzat që Berisha i adresoi udhëheqësit demokrat se ky vendim ishte antistatutor dhe antiligjor, Gjekmarkaj tha se ‘beteja për statutin’ nuk janë të kalibrit të Berishës.
“Berisha është personalitet i madh politik, betejat për statut që mund të bëjë Berisha s’janë të kalibrit të tij, janë beteja të vogla”, u shpreh Gjekmarkaj.
