S.Thaçi që përplasi me makinë një vajzë orët e para të mëngjesit, dyshohet se ka qenë duke drejtuar mjetin nën efektin e lëndëve narkotike.
40-vjeçari pasi humbi kontrollin e mjetit tip “Audi”, është përplasur me portën e një banese dhe pasi ka hyrë në oborr ka goditur Marjana Sahitajn. 25-vjeçarja u dërgua në spitalin e Traumës, por nuk mundi t’i mbijetojë plagëve të marra.
Ngjarja e rëndë ndodhi në rrugën “Shaban Bardhoshi” në kryeqytet, ndërsa disa orë më pas është vënë në pranga shoferi që u kap nën efektin e narkotikëve.
