I ftua në ‘A Show’ me moderatorin Adi Krasta, ish-deputeti i PD Klevis Balliu, ka folur mbi procesin e zgjedhjes së kandidaturave brenda bazës së demokratëve të Pogradecit, për zgjedhjet e 25 prillit.
“Procesi i përzgjedhjes së kandidatëve të PD kishte një qëllim shumë ambicioz, demokratizimi dhe dëgjimi i antarësisë, por ishte një proces që sapo lindi dhe nuk kishte një strukturë të fortë, delikat, të procesit për ta mbrojtur atë. Ishte shumë i lehtë për tu përdorur dhe për tu korruptuar. Dhe në Pogradec ndodhi të korruptohej. Procesi në Pogradec, i dokumentuar si i korruptuar. Çdo parti ka klane. Në të gjithë botën ka grupime që krijohen. Që nga lista që erdhi për të votuar, e cila u përgjysmua me një të rënë të lapsit dhe votuan persona që nuk i kishim parë më parë”, theksoi Balliu.
