Nënkryetari i Partisë së Lirisë, Petrit Vasili thotë se Parlamenti i Shqipërisë është në krizën më të tmerrshme në 32 vjet të pluralizmit. Duke reaguar lidhur me zhvillimin e seancës plenare, Vasili pohon se pluralizmi është goditur dhe militarizimi kundër tij tregon qartë juntën mafioze.
“Sot pluralizmi është goditur sërish në zemrën e tij dhe militarizimi kundër tij tregon qartë juntën mafioze, që ka kapur të gjithë institucionet. Për rilindjen kjo është një betejë e humbur, për Gardën, prokurorinë, policinë është një përgjegjësi shumë e rëndë që do t’i penalizojë aq sa nuk jua pret mendja”.
