Amir Rrahmani është kthyer në një nga pikat kryesore të Napolit këtë sezon, ku me paraqitjet e tij ka fituar edhe një vend në formacionin e Spallettit në qendër të mbrojtjes së bashku me Koulibaly.
Në planet e së ardhmes së klubit napolitan është edhe mbrojtësi që aktivizohet me Kosovën. Sipas “Corriere dello Sport” raportohet se klubi italian ka bërë gati ofertën për zgjatjen e kontratës, të cilën do ia prezantojnë lojtarit.
Kujtojmë se kontrata aktuale e Rrahmanit me Napolin përfundon në fund të vitit 2024, por ata kërkojnë të shmangin ndonjë ofertë në drejtim të tij nga klube të njohura.
