Paul Pogba dha një intervistë të shkurtër për mikrofonat e Sport Mediaset, duke ndezur ëndrrat e tifozëve bardhezi për ta pasur sërish në ekipin e tyre.
“Unë gjithmonë flas me ish -shokët e mi të skuadrës, si Paulo Dybala. Unë jam te Manchester, kam ende një vit në kontratën time, dhe pastaj do të shohim. Unë dua të përfundoj mirë atje, dhe pastaj të shohim se çfarë do të ndodhë”, deklaroi mesfushori francez.
Pogba ka kontratë me Manchester United deri në qershorin e vitit të ardhshëm. Real Madrid dhe PSG do të sfidojnë Juventusin për të siguruar një kontratë me yllin francez. /R.Lika-Koha Jone/
