“8 korriku në foto”, Basha: Bashkë do ta largojmë këtë qeverisje antipopullore dhe antikombëtare

Kryetari i Partisë Demokratike Lulzim Basha ka përzgjedhur 52 fotografi nga protesta e mbrëmjes së djeshme për të përcjellë mesazhin se detyra më e madhe, prioriteti numër një i opozitës së bashkuar, është që t’ju japë shqiptarëve ndryshimin e vërtetë, fundin e tranzicionit.

Përmes postimit në faqen e tij zyrtare në rrjetin social “facebook”, Basha falënderon të gjithë shqiptarët që i janë bashkuar betejës për një Shqipëri si gjithë Europa.

“Mirënjohje të thellë dhe falënderime nga zemra për të gjithë ata që na janë bashkuar në betejën kombëtare për Shqipërinë si gjithë Europa. Bashkë do ta largojmë këtë qeverisje antipopullore dhe antikombëtare. Sa më parë, aq më mirë për Shqipërinë!

Detyra më e madhe, prioriteti numër një, është t’ju japim shqiptarëve ndryshimin e vërtetë, fundin e tranzicionit, Shqipërinë e lirive, mundësive dhe mirëqenies për të gjithë.

#ShqiperiasiEuropa”, shprehet kryedemokrati Lulzim Basha në mesazhin e tij.