Akuzat për shëndetësinë, Rama i përgjigjet opozitës me një tjetër video: Ka nisur vaksinimi për…

Kryeministri Edi Rama vijon t’u përgjigjet akuzave të opozitës për sistemin shëndetësor me të tjera video e statistika.

Mëngjesin e sotëm, kreu i qeverisë në Facebook-un e tij, ka postuar pamje nga Programi për Kujdesin Shëndetësor në Komunitet.

Ai njofton se ky program ka nisur me vaksinimin e 150 fëmijëve rom pranë banesave sociale të Lanabregasit.

“Mirëmëngjes dhe me këto pamje nga Programi për Kujdesin Shëndetësor në Komunitet që ka nisur me vaksinimin e 150 fëmijëve rom pranë banesave sociale të Lanabregasit për të vijuar më tej me çdo grup e komunitet në nevojë në të gjithë Shqiperinë, ju uroj një ditë të mbarë,” shkruan Rama.