Alibeaj për 8 janarin: Demokratët e braktisën atë dhe bandën e tij që donte gjakderdhje

Nënkryeatri i Partisë Demokratike, Enkelejd Alibeaj ka reaguar në lidhje me sulmin e dhunshëm ndaj selisë së kësaj force politike. Përmes një postimi në facebook, Alibeaj thekson se personi i cili nxiti dhe planifikoi dhunën është Sali Berisha.

Gjithashtu ai thekson se demokratët e kuptuan mjaft qartë gjuhën e urrejtjes së Berishës dhe e braktisën përpjekjen e bandës së tij për gjakderdhje.

“Ai që e nxiti, paralajmëroi dhe planifikoi dhunen kundër PD është Sali Bërisha. Me zë dhe le figurë. Ai dhe mercenarët e tij e lajmeruan publikshit se kundër demokrateve do te perdorej dhune, madje mund te derdhej edhë gjak. Gjuha e urrejtjës se Sali Berishes solli dhunën në shtëpinë e gjithë demokratëve në 8 janar. Por demokratet e kuptuan atë qarte, prandaj e dhe braktisën Berishën dhe bandën e tij që donte gjakderdhje!”, shkruan Alibeaj.