“Antishpifja”, Berisha: Rikthim në kohën e etërve xhelat të fjalës së lirë

‘Rikthim në kohën e etërve xhelat të fjalës së lirë’. Kështu e ka konsideruar ish kryeministri Berisha, paketën antishpifje të njoftuar një ditë më parë nga kreu i qeverisë. Në një postim në facebook, Berisha ka publikuar edhe foton ku shkruan se vetë ai në qeveri ndaloi me urdhër padinë për shpifje ndaj cdo gazetari nga ministrat dhe deputetët e tij, ndërsa sot, pasardhësi i tij, Edi Rama, urdhëron ministrat e deputetët që të padisin për shpifje cdo gazetë, gazetar, portal dhe individ.

Një ditë më parë kryeministri Rama, në një postim në face book, njoftoi paktën antishpifje ndërsa tha se cdo lek i fituar nga një gjyq për shpifje, do të shkojë në Fondin e Edukimit. “Çdo shpifje të hedhur në drejtimin tonë nga kazani politik e mediatik, a qoftë edhe nga kazani i profileve zyrtare digjitale, ne do ta padisim në gjykatë.” -shkruante Rama në Facebook.

• Rama: Çdo shpifje në media do paditet në gjykatë
• Lubonja: Paketa anti-shpifje, qesharake dhe e rrezikshme
• Ylli Manjani: As Erdogan nuk ka paketë anti-shpifje si Rama
• “Për këtë shpifje Edi Rama duhet të shkojë në burg”
• “Rama: Qenkan acaruar shpifësit pse do t’i çojmë në gjyq” 
• Rama: Shpifja dënohet me burg në BE, gjysmëgjelat tanë vetëm gjobë
• Berisha: Rikthim në kohën e etërve xhelat të fjalës së lirë
• Rama: Në gjyq shpifësit! Vasili: Paska rrjedhur!