Basha dhe Kryemadhi takohen për protestën e Janarit

Të dy krerët e LSI dhe PD u takuan bashkë këtë të dielë në vigjilje të protestave që kanë paralajmëruar për janarin.
Ende nuk ka një datë për protestën e parë, por dalja në rrugë e opozitës do të jetë kundër kapjes së prokurorisë nga mazhoranca.
Në mbledhjen e Asamblesë së PS-së, kryeministri Rama tha se protestat e opozitës kanë për qëllim bllokimin e reformës në drejtësi, tani që pritet kalimi i kandidaturave për Këshillin e Lartë të Prokurorisë.

Burime nga PD, bëjnë me dije se protesta e opozitës do të bëhet pas 20 janarit. Ndërkohë që opozita ka nisur takimin me qytetarët për të diskutuar për aksionin opozitar që pas 18 dhjetorit.