Basha: Jam kreu i PD dhe i grupit parlamentar, por si funksion do t’ia delegoj…

Kryetari i Partisë Demokratike, Lulzim Basha, ka deklaruar sot përpara mediave se ai është edhe kryetar i grupit të PD-së, pas miratimit të statutit të ri të partisë.

Por Basha theksoi se detyrën e kreut të grupit parlamentar, do ia delegojë një prej nënkryetarëve.

“Kauza jonë është për qytetarët, nuk jemi këtu për tu marrë me njëri tjetrin”, tha Basha, para hyrjes në seancë parlamentare për gazetarët.

A e njihni Bardhin si kreu i grupit parlamentar?

“Me hyrjen në fuqi të statutit janë marrë vendimet përkatëse, Si kryetar i PD, i ngarkuar nga statuti si kreu i grupit parlamentar.

Do ia delegoj këtë detyrë një nga nënkryetarëve. Thirrja ime për çdo deputet, në këtë kohë sfiduese, që është momenti të shohim përtej interesave personale”, deklaroi ai.