Basha me mësuesit në Tiranë: 25 prilli do të jetë ndryshim i thellë

Kreu i PD, Lulzim Basha ka takuar mësues të arsimit parauniversitar në Tiranë për të diskutuar për problemet e shqetësimet e tyre, apo për angazhimet që ai premton nëpërmjet programit elektoral.

Basha thotë se tashmë në këtë kohë ndryshimi është nevojë e madhe, pasi nëpër shkolla sidomos në kohë pandemie po punohet nën një trysni të madhe.

Sipas tij mësuesit nuk po punojnë lirisht prej drejtuesve, teksa vetë thotë se 25 prilli do të jetë ndryshimi i madh.

Madje Basha thotë se mësuesit nuk do të ndëshkohen nëse kanë qasje të kundërta politike me të si kryeministër apo qeverinë e PD.