Basha: Njerëz me simptoma nuk po testohen. Ajo që ndodhi në Shkodër është kambanë alarmi

Politikë E Premte, 3 Prill 2020 20:42

Kryetari i Partisë Demokratike, Lulzim Basha deklaroi sot se me shifrat e raportuara zyrtarisht të të infektuarve me koronavirus, e domosdoshme është të bëhen sa më shumë testime për të parandaluar përhapjen e koronavirusit.

Në një intervistë me “Abc News”, kreu i PD tha se është e rëndësishme të testohen personat e dyshuar, stafi mjekësor, policët, njerëzit që janë në shërbim. Ai deklaroi se ajo që ndodhi sot në Shkodër, ku në 15 persona 12 dolën me COVID19 në një ditë është kambanë alarmi.

“Kam informacione që njerëz me simptoma nuk testohen. Në zona të veçanta numri i testeve është i pakët. Duhet të shohim çfarë ndodhi në Shkodër, u testuar 15 persona dhe 12 prej tyre rezultuan të prekur. Kjo është këmbanë alarmi. E gjithë sakrifica që po bëhet sot, do të shkojë dëm nëse nuk bëhen testime. Sa më pak testime të bëhen aq më gjatë do të jetë edhe periudha e karantinimit. Duhet të testohet gjurmohet personi, këto janë kërkesa të ekspertëve. Ne duhet të paktën të ngrihemi, të paktën në nivelin e Maqedonisë. Numri i viktimave dhe i personave të prekur është më i lartë se ai që raportohet”,- tha Basha.

I pyetur nëse ky konkluzion vinte nga informacione apo është ishe një analizë, Basha u shpreh: “Të dyja. Kemi raportime nga njerëzit tanë në terren të njerëzve që kanë ndërruar jetë dhe të afërmit dyshojnë se kanë lidhje me pandeminë. Ky fenomen është edhe në botë, por ka një transparencë. Më shumë testime do të thotë, ndërprjefje e zinxhirit të infeksionit, rimëkëmbje më të shpejtë të ekonomisë, dhe qëndrim më të pakët në shtëpi”.