Bastet, Rama: Portalet t’i heqin vetë reklamat. Mos kemi llafe

Kryeministri Edi Rama, përmes një postimi në Twitter, ritheksoi se bastet e kazinotë elektronike do të mbyllen në 31 dhjetor, ndërsa reklamat e tyre duhet të hiqen nga mediat menjëherë.

Kreu i qeverisë, ju drejtohet portaleve që të heqin reklamat e basteve, duke shtuar se: ”Mos kemi llafe për lirinë e shtypit pastaj”.

“Bastet e kazinote elektronike do të dalin jashtë ligjit në 31 dhjetor. Ama çdo reklamim i tyre në çdo lloj media, është i jashtëligjshëm. Portalet që kanë ende reklama të tilla t’i heqin vetë se ndërkohë po punohet për mbylljen e tyre! Mos kemi llafe për lirinë e shtypit pastaj”, shkruan Rama në rrjetin social.

Bastet e kazinote elektronike do të dalin jashtë ligjit në 31 dhjetor. Ama çdo reklamim i tyre në çdo lloj media, është i jashtëligjshëm. Portalet që kanë ende reklama të tilla t'i heqin vetë se ndërkohë po punohet për mbylljen e tyre! Mos kemi llafe për lirinë e shtypit pastaj😉

— Edi Rama (@ediramaal) October 10, 2018