Berisha: Të bashkojmë forcat për të çliruar Shqipërinë nga regjimi

Ish-kryeministri Sali Berisha bëri thirrje nga Shkodra për bashkimin e qytetarëve demokratë për të rrëzuar qeverinë.

“Një kushtrim, një apel për çdo demokrat e demokrate, për çdo qytetar të bashkojmë forcat për të çliruar Shqipërinë të frymëzuar nga Shkodra, nga kjo klikë që nuk ka asgjë të përbashkët me idealet e lirisë për të cilat u sakrifikuan martirët e Shkodrës”, theksoi Berisha.

“Një qeveri e cila njëlloj si çdo organizatë tjetër kriminale vjedh e plaçkit qytetarët, votë, liritë, pasuritë e tyre.

Ndaj le të zotohemi ne para kujtimit, veprës së Arben Brocit, Nazmi Kryeziut, Besnik Cekës, se do bëjmë gjithçka, se jemi të gatshëm për çdo sakrificë të rikthejmë votën e lirë shqiptarëve, për të cilën këta të rinj flijuan jetën dhe rininë e tyre“, tha Berisha.