Braimllari: Turp që procedohen studentët, por jo Ministrja që bën krim

Deputeti i LSI-së, Endrit Braimllari, përmes një postimi në facebook, denoncoi atë që e konsideron skandal. Shkas është bërë procedimi i studentëve që protestuan dje përballë Ministrisë së Drejtësisë, kundër vendimit të Ministres Gjonaj që ekstradoi Nezar Seitin.

Braimllari, thekson se ky është turp. ”Procedohen penalisht studentë dhe gjimnazistë pse protestuan dhe ndërkohë nuk ka asnjë procedim për ministren e cila ka kryer një krim shtetëror me ekstradimin e Nezar Seitaj”,-thotë Braimllari.

Statusi i plotë

Qeveria e krimit, turpit dhe e frikës nuk i mbyll dot gojën studentëve dhe gjimnazistëve që protestojnë kundër një ministre Drejtësie e kapur nga krimi. Ky është një turp! Procedohen penalisht studentë dhe gjimnazistë pse protestuan dhe ndërkohë nuk ka asnjë procedim për ministren e cila ka kryer një krim shtetëror me ekstradimin e Nezar Seitaj.