Çelet ekspozitë në nder të Nënë Terezës. Osmani: Ende frymëzim për miliona njerëz në mbarë botën

Në 7 vjetorin e shenjtërimit të Nënë Terezës, në ambientet e Presidencës është çelur një ekspozitë në nder të shenjtores. Ekspozita u vizitua nga Presidentja e Kosovës, Vjosa Osmani e cila ndodhet në Tiranë dhe u shoqërua nga homologu Bajram Begaj.

“Kjo ekspozitë është një udhëtim në faqet e historisë të jetës së saj personale por edhe njerëzve në përgjithësi, duke e ditur që ajo ishte e të gjithëve edhe për të gjithë, trashëgimia e saj vijon të frymëzojë miliona njerëz në mbarë globin”, tha Osmani.