Dashamir Shehi: Edhe unë si Rama do e shembja pallatin e Bashës

Sot u dha lajmi se Gjykata e Strasburgut ka dënuar qeverinë shqiptare me 13 milionë euro për të dëmshpërblyer banorët e pallatit të vjehrrit të Lulzim Bashës. Në emisionin “Opinion” te Blendi Fevziu, i pyetur rreth vendimit të gjykatës së Strasburgut, deputeti Dashamir Shehi habiti me përgjigjen e tij. Ai tha se edhe unë po të isha në vendin e kryeministrit Rama do ta shembja atë pallat se ishte ndërtuar në një vend jo të rregullt. Dihet se vendimi i kryeministrit Rama në shtator 2013 për prishjen e këtij pallati u justifikua në publik se nuk ka letrat ligjore, por gjykata e Strasburgut dha 13 milionë euro këto ditë, para te cilat do paguhen nga buxheti i qeverisë shqiptare.

Fakti që deputeti Dashamir Shehi foli në krah të vendimit të Ramës për pallatin e vjehrrit të Lulzim Bashës interpretohet si një hakmarrje e Shehit pse Basha po bën koalicion opozitar me LSI.