Dashamir Shehi: Shqiptarët të bashkohen. Kjo bandë në qeveri është e rrezikshme

Kreu i partisë Lëvizja për Zhvillim Kombëtar, Dashamir Shehi, ishte i ftuar në studion e televizionit News 24, ka folur rreth debatit aktual mediatik dhe jo vetëm, pas publikimit të përgjimeve të bandës së drogës nga autoritetet italiane, në të cilat përfshihet edhe ish-ministri i Brendshëm Saimir Tahiri.

Sipas Shehit, shqiptarët duhet të bashkohen dhe të reagojnë pas këtij skandali.

Ai vlerësoi hapin e ndërmarrë nga lideri i PD-së, Lulzim Basha, për bashkimin e frontit opozitar, me pjesëmarrje nga të gjitha palët politike në opozitë, përfshi edhe LSI-në. Për këtë ai tha se bashkimi i Fronit Opozitar, është vetëm hapi i parë, pasi vendi po udhëhiqet nga një bandë, e kësisoj duhet që të gjithë qytetarët shqiptarë të reagojnë.